【個人衛生】同住奶奶一星期沖涼一次 平日霉布抺身難掩濃郁體臭

與奶奶同住有磨擦在所難免，一位新抱近日大呻，同住奶奶個人衛生惡劣，習慣每一星期只洗澡一次，平日僅用一條霉布抹身，令體臭非常濃烈。儘管已向丈夫投訴，他卻怕會令奶奶尷尬拒絕開口，令她大感困擾。

買樓後老婆反口拒接奶奶同住 人夫為難呻苦網民一面倒撐老婆，詳情即睇︰【下一頁】

該名新抱在Facebook群組「同住奶奶好惡頂自由討論區」發帖求助，指同住奶奶一星期只會洗澡一次，平日更只會以霉布簡單抹身，加上對方已步入老年，新陳代謝減弱，令體臭味道更加強烈。

「只要佢一開房門，股味會衝出來」

新抱表示，試過二人同時在廚房內，她需要開抽油煙機抽走體臭氣味。她雖曾向奶奶暗示體臭問題，不過對方不但未有改善衛生情況，反而買車用香氛貼及乾花放在房內「吸味」，不過臭味依然存在。新抱表示，奶奶由年輕時開始已是一星期洗澡一次，

「佢可能認為成日沖皮膚會無晒油份保護，所以每次沖完，佢會塗BABY OIL（嬰兒油）。」

奶奶一個情況主動去沖涼

奶奶一向「每周一沖」，但有一種情況卻會例外，就是要赴約與友人飲茶，便會在約會前一日沖涼，新抱指：

「如果朋友約佢飲茶，佢咪plan（計劃）定同朋友出街前一日沖涼。比如星期三出去， 星期二洗頭沖涼，之後就下星期二才再沖。如果到下星期朋友約佢星期四飲茶，佢就唔沖， 因為星期二沖左，只係2日，佢認為乾淨。」

新抱曾多次向丈夫投訴，希望他代為反映問題，但丈夫以擔心奶奶覺得被嫌棄為由不願開口。在無計可施之下，她只好向姑仔求助，但對方並非與奶奶同住，故莫不關心，對方指「講出口會傷奶奶自尊，然後叫我忍下，話無人十全十美」。

網民：一日唔沖涼都臭

帖文一出引來網民熱議，不少網民認為其奶奶衛生意識惡劣，從字裡行間也感覺到有臭味「諗起都覺得臭」、「一日唔沖下體都臭啦」，更有人建議樓主盡快搬走，不過新抱表示現時的住所是她與丈夫購置物業，因奶奶無獨居能力才同住。又有網民反問「而家呢個時勢，佢落完街都返嚟都唔會沖？」新抱則回應指，奶奶根本無衛生意識，「唔沖，佢根本都無衛生意識，佢平日大便唔用皂液洗手，所以我用親廁所都帶酒精噴門鎖、廁所水掣、 廁板」

孤寒新抱為慳電費 奶奶長期被迫摸黑沖涼 一次「違規」被熄燈嬲到絕地反擊，詳情即睇︰【下一頁】

每朝索取《晴報》：精明生活．健康家庭．開心娛樂 

撰文︰潘迦晴